NewidynnauCliciwch ar newidyn o'ch dewis. Bydd y llygryddion sydd ar gael yn dibynnu ar ddewisiadau'r paramedrau eraill (e.e. ystod safleoedd a dyddiadau a ddewiswyd). Mae'r offeryn hwn wedi'i gyfyngu i blotio hyd at 2 o newidynnau gyda'i gilydd. I ddewis pob newidyn, dewiswch un yn gyntaf ac yna pwyso'r fysell CTRL wrth ddewis y llall.
Ystod DyddiadauDewiswch gofnodi naill ai 'Dyddiadau Penodol' neu 'Flynyddoedd Penodol'. Mae 'Dyddiadau Penodol' yn eich galluogi i ddewis diwrnod, mis a blwyddyn er mwyn dechrau a gorffen eich dadansoddiad. Bydd 'Blynyddoedd Penodol' yn eich galluogi i wneud dewis cyflym o flynyddoedd sydd o ddiddordeb i chi a bydd y gwaith dadansoddi yn cychwyn ar 1 Ionawr ac yn gorffen ar 31 Rhagfyr ar gyfer y blynyddoedd a ddewiswyd.
MathDefnyddiwch y gwymplen hon i ddewis sut rydych am i'ch data gael eu rhannu. Bydd yr opsiwn rhagosodiad yn cynhyrchu plot sengl yn cwmpasu ystod gyfan y data. Bydd dewis 'Diwrnod yr Wythnos' yn cynhyrchu plot unigol ar gyfer pob dydd o'r wythnos ac felly mae'n ddefnyddiol wrth amlygu'r gwahaniaethau gydol yr wythnos waith a'r penwythnosau. Bydd dewis 'Mis' yn dangos deuddeg plot, un ar gyfer bob mis, gan helpu i gael syniad o newidiadau tymhorol gydol y flwyddyn. Bydd dewis 'Tymor' yn rhannu'r data yn dymhorau priodol gan ddangos unrhyw amrywiaeth o dymor i dymor. Bydd dewis 'Cyfeiriad y Gwynt' yn rhannu plotiau'r tueddiadau yn wyth sector pwynt cwmpawd, a bydd dewis 'Cyflymder y Gwynt' yn eu rhannu yn bedwar chwartel gan ddefnyddio cyfeiriad neu gyflymder y gwynt wedi'i fodelu o ragolygon ansawdd aer y DU a all fod yn ddefnyddiol i nodi ffynonellau penodol.
DullDewiswch y dull ar gyfer llunio'r plot gwasgariad. Bydd 'Scatter' yn cynhyrchu plot gwasgariad lle mae pob cyfuniad x ac y sy'n cyfateb yn cael eu cyflwyno gan ddefnyddio pwynt ar y plot. Mae 'Hexbin' yn ddefnyddiol pan fo'r set data yn sylweddol; yn y plot rhoddir data mewn celloedd hecsagonal ac mae'r raddfa liwiau yn cynrychioli faint o bwyntiau data sydd wedi'u hepgor. Mae 'Density' yn cynhyrchu delwedd dau ddimensiwn llyfn o'r cysylltiad rhwng y newidynnau x ac y, a gyfrifir gan ddefnyddio dull amcangyfrif 'density kernel'.
