Caiff llygredd aer ei fonitro ar safleoedd penodol ledled Cymru 24 awr y dydd. Mae sawl gwahanol ffordd o samplu’r aer i weld pa mor llygredig ydyw.
Mae 5 prif ddull o samplu ansawdd aer:
1
Monitro Goddefol
- Mae tiwbiau tryledol yn amsugno llygrydd penodol o’r aer amgylchynol – nid oes angen cyflenwad pŵer
- Mae tiwbiau tryledol yn monitro am 2-4 wythnos ar y tro fel rheol
- Rhaid anfon y tiwbiau i labordai i’w dadansoddi i weld faint o lygredd maen nhw wedi ei ganfod
- Samplu lled-awtomatig
2
Samplu Gweithredol (Lled Awtomatig)
- Mae dadansoddwr yn tynnu aer amgylchynol drwy hidlydd am gyfnod penodol o amser e.e. un hidlydd y dydd
- Yna mae’r hidlyddion yn cael eu casglu a’u hanfon i labordy i gael eu dadansoddi i weld faint o lygredd maent wedi’u canfod
- Pwynt monitro awtomatig
3
Monitro pwynt awtomatig
- Caiff aer amgylchynol ei dynnu drwy ddadansoddwr sy’n adnabod y nwy sydd wedi’i ddewis ac yn cyfrifo crynodiad y nwy hwnnw
- Mae safleoedd awtomatig yn monitro llygryddion 24 awr y dydd
4
Systemau ffotocemegol a synhwyrydd optegol
- Offerynnau monitro symudol sy’n gallu monitro ystod o lygryddion yn barhaus. Nid yw’r synwyryddion yn sensitif iawn ac maent yn fwyaf addas ar gyfer nodi ardaloedd crynodiad uchel ar ochr ffyrdd a ger ffynonellau.
- Gall data gael ei lawrlwytho i’ch cyfrifiadur a’i ddadansoddi.
5
Monitro llwybr hir/optegol o bell
- Mae’r dull hwn o samplu yn canfod llygredd rhwng ffynhonnell olau a synhwyrydd sy’n cael eu gosod ar wahân ar safle
- Gellir cymryd mesuriadau amser real gyda’r math hwn o samplu.
- Gall data gael ei anfon o’r dadansoddwr yn uniongyrchol i’ch cyfrifiadur, sy’n golygu bod modd ei weld ar unwaith.