Adnoddau Rheoli Ansawdd Aer Lleol

Mae Defra a’r Gweinyddiaethau Datganoledig wedi darparu pob math o adnoddau i helpu awdurdodau lleol gyda’r broses o adolygu ac asesu ansawdd aer. Mae’r adnoddau hyn i gyd ar gael ar-lein, ac mae modd eu lawrlwytho. 

Isod, rydym yn darparu cyflwyniadau i bob un o’r adnoddau canlynol, gyda dolenni:

• Tiwbiau Tryledu NO₂
• Cywiriad VCM
• Monitro
• Adnoddau Allyriadau
• Adnoddau Modelu
• Mapiau Cefndir
• Pecyn Cymorth Ffactorau Allyriadau
• RGwefan Cyflwyno Adroddiadau
• Cwestiynau Cyffredin
• Desgiau Cymorth

Noder y bydd y rhan fwyaf o’r dolenni isod yn cysylltu â gwefannau allanol Defra, a fydd yn agor mewn ffenestr newydd.

Mae’r adnoddau ar gael i’w lawrlwytho mewn llawer o wahanol fformatau ffeil, ond .pdf a .xls yn bennaf. Mae rhai o’r adnoddau’n cynnwys macros ac efallai y bydd angen i rai defnyddwyr MS Excel newid eu gosodiadau diogelwch macro i gael yr adnoddau hyn i weithio.

Tiwbiau Tryledu NO₂

Mae Defra a’r Gweinyddiaethau Datganoledig wedi cynhyrchu pob math o adnoddau a chanllawiau i helpu awdurdodau lleol sy’n defnyddio tiwbiau tryledu. Mae’r adnoddau’n cynnwys:

• Canllawiau ar fanylder a chywirdeb​
• Canllawiau ar gyfrifo a defnyddio ffactorau addasu ar gyfer tuedd​
• Y gronfa ddata genedlaethol o ffactorau addasu ar gyfer tuedd​
• Canllawiau ymarferol ar ddefnyddio tiwbiau tryledu​

Cywiriad VCM

• Mae King's College, Llundain wedi datblygu model newydd i gywiro crynodiadau TEOM PM₁₀ i werthoedd "grafimetrig", yn seiliedig ar grynodiadau o’r ffracsiwn PM₁₀ anweddol, a fesurir gan ddadansoddwyr FDMS. Gallwch gael mynediad at y Model Cywiriad Anweddol ar y we.​

Monitro

Adnoddau ar gyfer monitro data, gan gynnwys:

• Dirywiad NO₂ gyda phellter -– Mae cyfrifydd wedi’i gynhyrchu sy’n amcangyfrif y crynodiad nitrogen deuocsid cymedrig blynyddol ar un pellter o ffordd, gan ddefnyddio mesuriadau a wneir ar wahanol bellter o’r un ffordd.
• Cyfrifydd NO_x i NO₂ – Mae’r cyfrifydd hwn yn caniatáu i awdurdodau lleol ddeillio NO₂ o NOx ble bynnag mae NO_x wedi’i ragweld trwy fodelu allyriadau o’r ffyrdd. Gall y cyfrifydd gael ei ddefnyddio hefyd i gyfrifo cydran NOx  y ffordd o fesuriadau tiwb tryledu NO₂ wrth ymyl y ffordd.
• Ffactorau addasu blwyddyn

Adnoddau Allyriadau

• Mae cyfres o adnoddau ar gael i helpu awdurdodau lleol i asesu eu hallyriadau lleol

Adnoddau Modelu

• Lawrlwythwch adnoddau yn ymwneud â modelu a sgrinio ansawdd aer

Mapiau Cefndir

• Mae mapiau llygredd cefndir y DU ac adnoddau cysylltiedig ar gael i’w lawrlwytho

Pecyn Cymorth Ffactorau Allyriadau

• The Pecyn Cymorth Ffactorau Allyriadau (EFT) yn helpu awdurdodau lleol i adolygu ac asesu ansawdd aer lleol fel rhan o’u dyletswyddau o dan Ddeddf yr Amgylchedd 1995.

Gwefan Cyflwyno Adroddiadau

• Mae’n ofynnol i Awdurdodau Lleol ddefnyddio Gwefan Cyflwyno Adroddiadau ar Reoli Ansawdd Aer Lleol i gyflwyno eu hasesiadau diweddaru a sgrinio, adroddiadau cynnydd, asesiadau manwl ac asesiadau pellach. Nid yw’r RSW yn caniatáu cyflwyno Cynlluniau Gweithredu, a dylai’r rhain gael eu cyflwyno’n uniongyrchol i gynrychiolydd eich Gweinyddiaeth Ddatganoledig.

Cwestiynau Cyffredin

• westiynau Cyffredin yn ymwneud â rheoli ansawdd aer lleol

Desgiau cymorth

• Mae’r Ddesg Gymorth Rheoli Ansawdd Aer Lleol yn darparu atebion i gwestiynau Awdurdodau Lleol ar fonitro ansawdd aer, modelu a rhestri allyriadau, gwybodaeth ac arweiniad i helpu Awdurdodau Lleol i gynnal y broses Adolygu ac Asesu Ansawdd Aer Lleol sy’n ofynnol o dan Ran IV o Ddeddf yr Amgylchedd 1995 a gwybodaeth ac arweiniad i helpu Awdurdodau Lleol i baratoi a gweithredu Cynlluniau Gweithredu Ansawdd Aer er mwyn gwella.